Amalur Jardunaldiak 2016
16/01/2015
2016 Abesbatza Lehiaketako irabazleak
03/11/2016

48. Tolosako Abesbatza Lehiaketa (2016)

Badira orain zenbait hilabete hainbat leku urrunetan –Yakartan (Indonesia), Medellinen (Kolonbia) edo Stockholmen (Suedia), adibidez– gure musikagile maiteen abestiak entseatzen ari direla: «XOXO BELTZ BAT BANUEN», «EGUZKI PRINTZAK», «ET J’AIME UNIQUEMENT» eta «AVE MARIS STELLA», Karlos Giménez, Junkal Guerrero, Jesús Egiguren eta Eva Ugalderen lanak. Lan horien bitartez, munduan milaka lagunek daukate gure musika ezagutzeko eta gure hizkuntzan abesteko aukera eta lan horiek beren errepertorioetan gehitzekoa. Trukean, haiek beren musika eta interpretatzeko era ekartzen dizkigute; azken batean, munduan egoteko daukaten jarrera. Elkar eragin horiek guztion aberasgarri dira, unibertsala gure sustraiak galdu gabe eraikitzeko.

Zuen eskuetan jartzen dugun programa hau Tolosako 48. Abesbatza Lehiaketari dagokio. Parada honetan, 16 herrialdetako 21 talderen bisita prestatu dugu: Alemania, Kolonbia, Kuba, Eslovenia, Espainia, Hungaria, Indonesia, Islandia, Italia, Letonia, Lituania, Norvegia, Erresuma Batua, Suedia, Taiwan. Horrez gain, kalitate handiko euskal abesbatza bat izango dugu gurean: Vocalia Taldea emakumeen abesbatza. Aurtengo lehiaketan egokitu diren bi kategorietan jardungo dute: Ganbera Koruak eta Ahots Taldeak.

PROGRAMA

Lehiaketan parte hartu bitartean, abesbatzek 70 bat kontzertu emango dituzte Euskadiko lurralde osoan zehar. Emanaldi horiek eta Espainia osotik bertaratutako entzule koru-musikazaleek giro sutsu aparta sortzen dute, eta parte hartzen duten abesbatzek bereziki eskertzen dute.

Lehiaketako saioez gain beste kontzertu batzuk ere aipatu nahi ditugu: Santa Klara Elizan, urriaren 15ean, euskal abesbatzen Topaketa, Gipuzkoako Abesbatzen Federazioak antolatuta; urriaren 31n, kontzertu bat KUP taldearen eskutik (2017an Bartzelonan egingo den Kantu Koraleko Mundu Sinposioan Euskadi ordezkatzeko hautatutako abesbatza), eta Aita Frantziskanoen Elizan, azaroaren 1eko arratsaldean, Bel Canto Choir Vilnius (Lituania) abesbatza ardatz izango duen kontzertu bat.

Gure nahia da Tolosako herriak, beti bezala, laguntasunez eta errespetuz har ditzala egunotan gurekin izango ditugun korukideak eta musikaren munduko pertsona ospetsuak.

Euskara
X