VIAJAR aldizkariak Madrilen egin zuen bere sarien bosgarren edizioa, eta 2026an bikaintasunagatik zein berrikuntzagatik nabarmendu ziren 16 helmuga, enpresa, ekimen eta profesional saritu zituen.

Aitortza horien artean, bidaia, natura eta antropologia ardatz dituen Tolosako Amalur Jardunaldiek bidaiak eta ingurumen-kultura sustatzeagatik emandako bikaintasun-saria jaso zuten:

«Bidaiatzea ez da soilik urrutira joatea; ikuspegi berri batekin itzultzea baizik. Sari honek Tolosako Ekimenen Zentroak —irabazi-asmorik gabeko erakundea— duela bi hamarkada abiarazitako ekimena aitortzen du. Hogei urtez, Amalurrek zientzialariak, idazleak eta argazkilariak bildu ditu mundua ulertzeko moduak partekatzeko, planeta babestearen inguruan kontzientzia sortzeko eta haren txoko urrunenekiko zubiak eraikitzeko».

Saria Alberto Luengok —Amalur Jardunaldien zuzendariak— jaso zuen, Álvaro Martínezen —VIAJAR aldizkariko zuzendari digitalaren— eskutik.