Duela egun batzuk Tolosako Ekinbide Etxearen historiari buruzko liburu bat aurkeztu zen TOPIC-en, Francisco Tuduri idazle tolosarraren eskutik. Liburu honek Tolosako Ekinbide Etxea bezalako erakunde garrantzitsu baten 56 urteak biltzen ditu.
Liburuaren aurkezpena ekitaldi xumea izan zen. Germán Ormazabalek eta Maite Arruabarrenak musikaz lagundu zuten. Aitor Imaz, TEEko presidentea; Luismi Espinosa, Abesbatza Lehiaketako zuzendaria; Mitxel Perales, TEEko presidente ohia; Enkarni Genua, Titirijai Jaialdiaren izenean; Alberto Luengo, Amalurreko zuzendaria eta Francisco Tuduri, liburuaren egilea izan ziren aurkezpenaren gidaritzan.