Aurreko urteetan bezala, Titirijai jaialdian haurrentzako epaimahai batek eman du jaialdiko ikuskizun onenaren saria. Oraingo honetan, herriko hiru ikastetxeetako Lehen Hezkuntzako 6. mailako zazpi haurrek osatu dute epaimahaia: Laskorain, Samaniego eta Herrikide. Jaialdiko 17 ikuskizunak ikusi ondoren, Granadako La Maquiné konpainiako “Estación Paraíso” taldeari eman diote saria. Edizio honetan, eta lehen aldiz, Jaialdiko boluntarioek ere epaimahaia osatu dute helduen ikuskizunik onena aukeratzeko. Aurten haur epaimahaiaren aukeraketarekin bat egin dute eta “Estación Paraíso” ikuskizunak boluntarioen ikuskizun onenaren saria ere jaso du.