Inuit-ak herri indigenetako bat dira eta antzinako tradizio asko dituzte oraindik. Naturarekin sinbiosi perfektuan bizita, inuitek Artikoak eskaintzen dizkien baliabide eskasak aprobetxatzen jakin dute, eta gaur egun munduko gizarte ehiztaririk aurreratuena bilakatu dira. Hitzaldiaren helburua inuiten iragana ezagutzea izango da, herri honen oraina eta etorkizuna hobeto ulertzeko aukera emango diguna.

Francesc Bailón Trueba kultura artikoetan espezializatutako antropologoa, dibulgatzailea, idazlea eta bidaiari polarra da. 40 espediziotik gora egin ditu Artikora, eta liburu ugari idatzi ditu inuitei buruz. 2020an Manuel Iradier komunikazio saria jaso zuen La Exploradora Elkarte Geografikoaren aldetik, bere ibilbide profesional eta pertsonalagatik.

ROGE BLASCO kazetariak bidaiariei eta abenturazaleei elkarrizketa egiten die 1984ko martxoan Radio Euskadin “Levando anclas” saioa ematen hasi zenetik 2023ko urtarrilera arte. Denbora horretan, “Dr Livingstone, supongo” asteroko programa aurkeztu eta zuzendu du ETB 2an (1987-1995) eta “Tierra a la vista” TVE 2an (1996). Gaur egun, aldizkarietako kolaborazioekin eta You Tubeko kanal batekin jarraitzen du. Espainiako Geografi Elkartearen 2010eko Komunikazio Saria eta Donostiako 2022ko Itsaspeko Zinemaren Nazioarteko Zikloaren Komunikazio Saria jaso ditu.