Nagusiki bertsolaritzan aritzen da egun, baina tarteka kazetaritza edo idazle lanetan ere bai. Bertsogintzari dagokionez Jexux Arzallus bertsolari goiaztarraren semea izaki, etxean bertso giroa izan du eta txikitatik hasi zen kantuan. 2013ko Bertsolari Txapelketa Nagusia irabazi zuen eta txapeldunorde izan zen 2009an eta 2022an. Literatura arloan, aldiz, 2019an hamar hizkuntzatara itzuli duten Miñan liburua idatzi zuen Ibrahima Balderekin batera.

Miñan liburua migrazio-abentura baten kronika da, 2019an idatzi zuten Ibrahima Balde ginearrak eta Amets Arzallus lapurtarrak. Ibrahima Balderen beraren bizitzaren kronika da nobela, hark ahoz eta Amets Arzallusek letraz idatzia.