Atsedenik ematen ez duen pandemia baten ondorioz jasaten ari garen egoera dela eta, urriaren 25etik aurrera ospatu behar zen Tolosako Abesbatza Jaialdia bertan behera utzi beharra daukagu. Guztiok une honetan izan behar dugun erantzukizun sozialagatik, erabaki hau hartu behar izan dugu ondoan ditugun erakundeen laguntza erabakigarriarekin batera. Horregatik eskerrak eman nahi dizkiegu erakundeei elkar ulertu dugulako, bai eta babesleei, abesbatzei eta, oro har, ikusleei ere, badakigulako hartu eta adostu dugun erabaki hau ulertuko dutela.
